Home DestinasjonerNorge Spektakulær utsikt i teltkuppel fra Trolltunga mot Folgefonna

Spektakulær utsikt i teltkuppel fra Trolltunga mot Folgefonna

by Reiseliv
Spektakulær utsikt

Spektakulær utsikt: Trolltunga Active har hatt sin fyrste tur på den nyoppstarta «Trolltunga Sunset/Sunset Winter». Der får gjestene overnatte i den spektakulære «Arctic Dome»-teltkuppelen på den populære fjellformasjonen.

– Vi ynskjer å formidla den komfortable, men likevel puristiske formen for norsk friluftsliv saman med opplevinga av å sjå Trolltunga, seier marknadssjef i Trolltunga Active, Erle Hauso.

I tillegg til å gje gjestene lun komfort, gjev domen ei spektakulær utsikt mot Ringedalen og Folgefonna gjennom det gjennomsiktige partiet i den eine veggen, samt stjernehimmel ved godt vêr gjennom det gjennomsiktige taket.

Spektakulær utsikt og den ultimate kjenslaSpektakulær utsikt

Førre veke starta Trolltunga Active på arbeidet med å setja opp domen. Selskapet har gravd vekk snøen og fått domen trygt festa til bakken, sett opp egne flyttbare element for soveplass og lokalproduserte møblar – designa og produsert av Hallstein Skare, opplyser selskapet i ei pressemelding.

– Domen gjev oss mogelegheita til å gje gjestene kjensla av å sove under open himmel, noko som er den ultimate kjensla for mange friluftsfolk. Samstundes kan dei nyta komforten av å ligga i ly i ein koseleg dom med hytteinteriør, eta god mat, oppleva godt samvær og nye vennskap i ljoset av dei få lampane vi har i domen, forklarar Hauso.

Reiste verda over for jomfrutur

Dei tre fyrste gjestene i domen har reist heile vegen frå Australia og USA for å gå på truger til Trolltunga og oppleva ei natt i vinterfjellet. Attendemeldingane er svært gode.

– Det var utruleg kjekt å vera med på denne fyrste turen, og eg nøyt den koselege atmosfæren i domen, seier amerikanske Jacob Bartz.

– Det var nesten som å vera på overnattingstur med vener, sjølv om vi ikkje kjende kvarandre frå før, legg Caitlyn Murphy frå Australia til.

Vêret var definisjonen på norsk draumepåske med blå himmel og vindstille vêr. Utpå kvelden blåste det opp og snødde godt.

– Eg likte godt å kunne fylgja vêret og synet av fjella gjennom dei gjennomsiktige delene av domen. Hadde det ikkje vore for vinden, hadde eg nok gløymt at eg var på fjellet i den lune domen, seier Scott Murphy frå Australia.

Få nytt fra Reiseliv på epost. Se hva vi tilbyr og bestill nyhetsbrev her

Liker du artikkelen om Spektakulær utsikt, så gi oss like og del på Facebook


Du kan søke hoteller verden rundt og bestill direkte her på Reiseliv


.. ... .
Reiseliv er Norges eldste reiselivsmagasin på Internett, startet i 2000.

Norge: Preikestolen, Kjerag og Trolltunga på 3 dager

Spektakulær utsikt

Trolltunga – et populært sted for frierier. Foto: Asgeir Helgestad/Artic Light AS/visitnorway.com/Innovation Norway

Få nytt fra Reiseliv på epost. Se hva vi tilbyr og bestill nyhetsbrev her

 

Leave a Comment

Du liker kanskje også

Reiseliv

Denne nettsiden bruker Cookies for å gi deg bedre søkeresultater og leseropplevelser. Klikk her for å fjerne meldingen.